The Amazigh Voice: June 1995 Issue

TAMEDYAZT I LMEND N TEFSUT N IMAZIGHEN


D Amedyaz

Ul ines s wewregh i gr'uc
Yetstsarw-ed deg yemzizzlen
Yecna tayri d uker't'uc
Yergagi d igellilen
Atcamar-is am kerruc
I qqaren wid yetstsasmen

Lalla tidets icemmer'-as
Id'egger'-its-id i wegdud
I wmeddah' ighezza-yas
Yedda d yidles l-lejdud
Aqerruy-is d afer'd'as
I qqaren at war afud

Amedyaz yugi azaglu
Tirrugza tedda t-tlelli
Tsif-as laz' wala ad yeknu
Iles ines yugar timri
Ur yebbwi ur yerri usefru
I qqaren wid yetsqissi

Dgha ma llant lmalaykkat
Asmi ara yemmet umedyaz
A d-tersent akka di snat
A s-rrent ifer am lbaz
Ad frefrent gher ldjennet
Dinna a t-saunt d argaz

D amedyaz ur yesai ayla
Nker'h-it akken nella

Amar Mezdad, Lezzayer, 1974



Tazult n Lambese

Tazult n Lambese
Lambese d lh'ebs
Yessargagayen s tnebdar g isem-is
Tazult t-taddart
I g-ts-cemmit
Akken yetcemmit ugaz'uz' amgard'

Tazult n Lambese
Akken i s-qqaren
Deg akkwen i t-ghunza Batna tessusef-it-id
D acu, ted'r'a yides am winna a yessusufen s igenni

Tazult n Lambese
I t-iketctcmen matctci h'aca win yexdemn kra
Lbat'el ma asekkud-is di lqedd
Yezmer a kwen-iddem ula d kwenwi
Win i t-ikecmen, yekcem az'ekka
D lmut ur ts-itsaggwad ara
Imi yessen i ts-yugaren

Tazult n Lambese
D djahannama yugaren tin yetsr'adjun di laxar't
Axater' ma dgha d R'ebbi yella
Matctci d win ara yessarghen tarwa-s
Ur uminegh ara setghebber tasa-w
Akken i d assen, teqqur i yemdanen
Ur ssinen ansi t-tilisa n lbat'el akw i xeddmen
Lbat'el ladgha f umeh'bus
Yugar utctci i s-d-tstsaken
Ghef ulac a t-adun
A tedjdjen ur ireffed ur isrus
A s-anfen akken d aeryan
S idammen sufella n ssiman
Ughalen d ud'an i wsemmid'

Tazult n Lambese
Lambese d lh'ebs
Yesghilifen s tnebdar g isem-is
Tazult t-taddart
Ur yuklalen a ts-itscemmit lbat'el n lh'ebs-is
Yengha iaegged, yesru irgazen
Yetsh'eccim deg isem n izzayriyen
Yetsh'eccim ad'u i d-isud'en
D yit'ij i d-ineqqren fellas

Ferhat Mehenni, Lezzayer, 1994



Hommage aux Heros d'Avril 1980

Le 20 Avril 1980
Ce jour sera marque d'une pierre
Du sang de nos freres et soeures
Ce jour sera engrave
D'Alger a Tizi-Ouzou
Leurs cris furent entendu
"An-nerrez' wal' an-neknu"
Tel fut le chant de ces heros
Le 20 Avril 1980
En ce jour le silence fut brise
Le silence longtemps endure
En ce jour femmes et hommes
Sortirent dans les rues
Demanderent leur du
TAMAZIGHT
En ce jour de printemps
Comme la Nature, notre pays renait
Le 20 Avril 1980
En ce jour comme en 1954
Notre peuple se revolta
Pour denoncer une autre injustice
L'injustice faite a notre langue et a notre culture
Des villes, des villages, des montagnes
Tous se rassemblerent pour revendiquer notre
TAMAZIGHT
Tous s'unirent pour defendre notre honneur
Le 20 Avril 1980
Que ce jour soit ecrit dans notre histoire
Qu'il soit transmis aux futures generations
Ce jour de peine et de gloire
Ce jour qui temoigna la volonte de notre peuple
Femmes et hommes Amazigh
Continuons la lutte de ces martyrs de 1980

Dalila Fridi, Chicago, 16 di Yebrir, 1994.



Dda Lmulud

Tstsugh at'an-iw
Mi sligh s lmut-ik
Yetstsel yiles-iw
Af tsusmi g-gmi-k
Cfu a yighef-iw
Tira yeh'bes wul-is
Yexsi-agh yit'ij
Deg zal qayli
Neghlen waman af yirrij
Yet'f-agh usemmid' d amsari
Tafat yezgan tetsfedjdjidj
Izemd'-as t'lam tiyersi
Isud'-ed wad'u n lmut
Yeh'wes' asalas t-tusna
Anwa ar agh-yilin ts-tsasaruts
S wayes ar aneldi tabburt n tira
Tadyant useggwas agi ma netstsu-ts
Ulac di ssuq nnegh
A yabrid n Ain Defla
Tikli d yek a ts-ghanfugh
A yabrid n Ain Defla
Ma lligh d az'ru a k-id-r'edjmegh
A yabrid n Ain Defla
Deg id' i gh-tgezmed' tasa

Mar tellid' ts-tsidets d abrid
Ur ttsefghed' iberdan
Mar ur tesghersed' ayeddid
Ur tsenghalen waman
Imi gh-tedjdjid' netsmedjdjid
Cfu tesgujled'-agh seg zur'an
Ad isud' d yek wuccen
Cna l-led'yur' ur setselled'
Ad neflen fellak waman
S ih'emmalen a tsetsfeggid'ed'
Imi tetctcid' dda Lmulud d asfel
A yasif n Clef ar d-ak-yenned'
Xas yetswacelqef
Tira i d-yedjdja am tala
S waman-is an-neccucef
A d-agh-tizdig tussna
Allagh a s-tebru tekref
Ad yeaqel lh'ebb d ukerfa

28 si Fur'ar'
Djer'djer' yennd'-as wughud
Yedda ilemz'i d wemghar
S az'ekka n dda Lmulud
Ar tmedlin ulac aqesser
Xas yedjdjad Tamazight a tetsmurud
Assen netctca times d axessar
Deg negh a tetsenfufud
Iberdan akw asenni
S At Yanni kan i ssalayen
Wa f rrekba wa f ud'ar i g uli
Di tewrirt mlalen
Ma ts-tsibbura di Tizi
Tswamedlent si leh'zen

Tafekka-s ur ts-nend'il ara
Lamana ts-tsuz'z'uyt i ts-nez'z'a
Izur'an s ges a d-mghin s xilla
Ad t'fen akal n Tmezgha
A yasyax d-yewten ur ts-itstsawi ara
Yak nella yis, yella yisnegh

Ah'eq Si Muh'end
Yeggullen ad yarrez' ur ikennu
Ah'eq Ccix Muh'end
I meslen awal am usafu
Ar tutlayt f i tennughed'
Ar d-ats-naru, ar d-ats-naru, ...

Ali Akkache, Lezzayer, Yennayer 1990



Amazigh d Wakli

Azul fellawen mer'r'a akka ma tellam da
Nusa-d ad nemmekti ass am assa
S isefra t-tmughli ar uzekka

Si Gulmima alma d Siwa
Si Bgayet alma d Burkina
Imazighen di yal tama
Tsgallan: Tamazight assa
Assa matctci azekka
Azekka d az'ekka

Tamazight tura
Tugar imeslayen, tugar cna
Tessawed' ar tira
Tessawed' ar wesnulfu akw t-tusna

Ghas ma rz'an-agh s llif d lba
Negh s teakumt n dyana
Yebbwas ad kker tarwa
Ara yeggallen s Tmezgha
Ad terr isegh i warraw d yessis n Kahena

Assa fukkent tirga
Banen-d iberdan ifarqen taer'bubt t-tmezgha
Banen-d iberdan ifarqen aklan d warraw n Massinissa

A win s-yeqqaren snegh R'ebbi
A win yetsz'allan s igenni
A win i zellun s yisem R'-R'ebbi
A win s-yeqqaren R'ebbi g genni
Nekk deg wegni
Ghas assa yecba id'elli
Ghas aseggwas assa yecba ilindi
Ghas tenghid' arrac t-tullas
Ur tneqqed' ara asirem t-tlelli
Asif idammen ur k-yessawad' sani

A win i kennun i yigenni
Err akin tameslayt-ik
Err akin tamusni-k
Ma knigh-ak i ketctci
I nekk d acu yi?

Ghas Tamazight ur ts-ihedder' ara R'ebbi
Ghas awal-is yura s Tar'abt matctci s Tmazight nni
I g aeddan d leqrun ur ts-nuri
Akken tedder, tbedd ur teghli
Amezruy ad icehhed
Ghas akka yugi R'ebbi

Lesteamar' yiwen-is
D Ar'ab negh d Ar'umi
Deg wakal-iw ughalegh d aber'r'ani
Akken yebgha yekka t'lam
Yibbwass ad yeghli
Akken yebgha yekka t'lam
Yibbwas tafat ad tali

Yusef Azaghar, Washington, D.C, 15 di Yebrir, 1995.